"სწავლა სიკვდიმდე შენია მუდამ შენთანა მყოფელი..."
თანამედროვე სამყაროში, სადაც მიმდინარეობს თითქმის ყველა დარგის კომპიუტერიზაცია, ჩვენი ყოველდღიური თუ პროფესიული საქმიანობა სულ უფრო მეტად მოითხოვს ისტ-ის ცოდნასა და სისტემატურ გამოყენებას. საჭიროა უფრო მეტად დავხვეწოთ და გავამრავალფეროვნოთ ჩვენი ცოდნა. ამაში კი დაგვეხმარა 21 აპრილის ლექცია, როდესაც ვისწავლეთ ბმულის გაკეთება. ზოგადად, ამ ლექციების მიზანიც ეს არის: მივიღოთ ცოდნა, რათა მოვერგოთ თანამედროვე საზოგადოებას.
14 აპრილს ჩატარებულ ლექციაზე ვნახე თუ რამდენად საინტერესოდ შეიძლება წარიმართოს და ჩატარდეს ერთი ჩვეულებრივი გაკვეთილი (ლექცია), თანაც ისე სახალისოდ , რომ ვერც შენიშნო რამდენად მნიშვნელოვან დავალებას ასრულებ.
ჩავატარეთ გამოკითხვა, რომელიც ასე დაიწყო: ლექტორმა შემოგვთავაზა სიტყვა "ტკბილეული", ჩვენ ჩამოვთვალეთ ყველა ის ტკბილეული, რომელიც გაგვახსენდა. გავაკეთეთ ობობის ქსელი. ჩამოთვლილი ტკბილეული კი გავყავით რამდენიმე ჯგუფად. ესენია: 1. სითხე, 2. ცომეული, 3. მყარი, 4. ხილი. შემდეგ აუდიტორიაში მყოფი სტუდენტები დავიყავით 4 ჯგუფად, რომელშიც შედიოდა 4 სტუდენტი. თითოეულ ჯგუფს, სპეცუიალური შერჩევის გზით შეგვხვდა 4 თემიდან ერთი (ჩემ ჯგუფს შეხვდა თემა "მყარი") და დავიწყეთ მისი კვლევა. გამოკითხვა ჩავატარეთ უნივერსიტეტის გარეთ და ამისთვის მოცემული გვქონდა 45 წუთი. უნდა გაგვერკვია იყო თუ არა დამოკიდებული ფასზე ტკბილეულის გემო, კითხვა თავად ლექტორმა შემოგვთვაზა რომელის ასე ჟღერდა: "რაც უფრო ძვირია მით უფრო გემრიელია?". გამოკითხვამ წარმატებით ჩაიარა, ჩვენ გამოვკითხეთ სხვადასხვა ასაკის ადამიანები და საბოლოოდ გავაკეთეთ დასკვნა. მათი პასუხებიდან აღმოჩნდა, რომ ტკბილეულის გემო არ არის დამოკიდებული ფასზე. მიღებული შედეგი გავაცანით აუდიტორიას.
ამ ლექციაზე მე გავეცანი ერთ-ერთ სტრატეგიას "მე ვიკვლევ", რომელიც ჩავატარეთ ჯგუფებში. მოპოვებული ინფორმაცია იყო "მშრალი", ვეცდები კოპმპიუტერის საშუალებით გავამდიდრო და გავამრავალფეროვნო. დამატებით იხილეთ აქ:
ბატონი ჯემალის ბლოგში გავეცანი თემას "ისტ-ის სწავლება". ვთვლი, რომ მართლაც მნიშველოვანია მისი სრულყოფილად სწავლება სკოლებში. იგი უნდა ისწავლებოდეს უფრო საფუძვლიანად და მოსწავლეს მარტივად უნდა შეეძლოს საჭირო ინფორმაციის მოძიება. კარგია თამაშების ცოდნა, თუმცა რაღაც ახლის წაკითხვა და გაგება უფრო მნიშვნელოვანია.
მოსწავლეები ინფორმირებულნი უნდა იყვნენ იმასთან დაკავშირებით თუ რამხელა აკადემიურ და პროფესიულ შესაძლებლობებს იძლევა ინტერნეტის საიტები. ისინი უნდა იყვნენ მუდმივად ახალი ინფორმაციის ძიებაში.
ჩემი აზრით, კარგი იქნება დრო ეთმობოდეს იმაზე საუბარს, თუ რომელმა მოსწავლემ რა ახალი ინფორმაცია მოიძია(თუმცა ეს შეიძლება მოხდეს კვირაში ერთხელ, შეჯამების სახით), რა იყო მისთვის საინტერესო. ამით მოსწავლეები გაუზიარებენ ერთმანეთს თავიანთ მიერ ნაპოვნ საინტერესო მასალას და უფრო გაიფართოვებენ ცოდნას სხვადასხვა საკითხზე.
